Fjallakobbi (Erigeron uniflorus)

Mynd af Fjallakobbi (Erigeron uniflorus)
Mynd: Hörður Kristinsson
Fjallakobbi (Erigeron uniflorus)

Útbreiðsla

Víða upp til heiða (Hörður Kristinsson 1998).

Búsvæði

Bollar, fjallshlíðar og fjallamóar, vex eingöngu til fjalla (Hörður Kristinsson 1998 og floraislands.is).

Lýsing

Lágvaxin fjallaplanta (4–10 sm), hærð með bleikleitar blómkörfur með útstæðum reifablöðum. Blómgast í júní–júlí.

Blað

Stöngullinn loðinn, stöngulblöðin lensulaga, sum stofnblöðin spaðalaga eða öfugegglaga á vængjuðum stilk (Hörður Kristinsson 1998).

Blóm

Blómin eru í körfum sem eru um 1,5 sm í þvermál. Jaðarblóm hvít eða rauðbleik. Hvirfilblómin gulleit. Reifablöðin sem lykja um körfuna eru dökkfjólublá, einkum í endann, odddregin, hvítloðin, þau neðstu oft áberandi útstæð (Hörður Kristinsson 1998).

Greining

Líkist helst jakobsfífil en fjallakobbi er lágvaxnari með hlutfallslega stærri körfu, oftast eru einhver stofnblöð spaðalaga, þ.e. niðurmjó með kringluleitum og snubbóttum enda, einnig hefur fjallakobbinn útstæðari reifablöð. Fjallakobbi þekkist best frá snækobba á hvítum hárum á reifablöðunum og flatari körfubotni.

Útbreiðsla - Jöklakobbi (Erigeron uniflorus)
Útbreiðsla: Jöklakobbi (Erigeron uniflorus)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |