Blávingull (Festuca vivipara)

Mynd af Blávingull (Festuca vivipara)
Mynd: Hörður Kristinsson
Blávingull (Festuca vivipara)

Útbreiðsla

Blávingull er mjög algengur um allt land frá láglendi upp í 1300 m hæð. Hann er mjög útbreiddur í móum á Suðurlandi en vex einnig í valllendi og á melum eða mýraþúfum (Hörður Kristinsson 1998).

Búsvæði

Melar, hæðarkollar, mólendi og flög.

Lýsing

Meðalhá grastegund (10–40 sm) með blaðgrónum, stuttum punti. Blómgast í júní–júlí.

Blað

Blöðin í þéttum toppum, fremur stutt, mjó, grópuð. Engar skriðular renglur (Hörður Kristinsson 1998).

Blóm

Punturinn stuttur, 2–5 sm, alltaf blaðgróinn. Smáöxin ýmist hærð eða hárlaus, oftast brúnfjólublá eða rauðfjólublá (Hörður Kristinsson 1998).

Aldin

Punturinn blaðgróinn (Hörður Kristinsson 1998).

Greining

Blávingull er lægri en túnvingullinn, blaðsprotarnir eru í þéttum toppum en ekki skriðulir eins og á túnvingli. Þekkist best á því að hann er ætíð blaðgróinn en það er túnvingull mjög sjaldan.

Útbreiðsla - Blávingull (Festuca vivipara)
Útbreiðsla: Blávingull (Festuca vivipara)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |