Ljósatvítönn (Lamium album)

Mynd af Ljósatvítönn (Lamium album)
Mynd: Hörður Kristinsson
Ljósatvítönn (Lamium album)

Útbreiðsla

Innfluttur slæðingur sem vex víða við bæi í sveitum, einna algengust á vestanverðu Norðurlandi. Oft finnst hún einnig á gömlum eyðibýlum (Hörður Kristinsson - floraislands.is).

Búsvæði

Ílendur slæðingur í hlaðvörpum og görðum.

Lýsing

Meðalhá planta (20–40 sm), hærð, með hvítum blómum í blaðöxlunum. Blómgast í júní.

Blað

Stöngullinn allgildur, ferstrendur, hærður. Blöðin gagnstæð, hjartalaga eða egglaga, nokkuð odddregin, gróftennt, hærð, 4–8 sm löng (Hörður Kristinsson 1998).

Blóm

Blómin eru stilklaus, í þyrpingum í blaðöxlunum. Krónan einsamhverf, varaskipt, hvít, 1,5–2 sm á lengd, ginvíð. Bikarinn fimmskiptur, 7–10 mm langur með oddmjóum, gleiðglenntum flipum, grænn með dökkyrjóttum botni. Fræflar fjórir, frjóhirslur dökkar, undir hjálmi efri krónuvarar. Frævan fjórklofin við þroskun aldinsins (Hörður Kristinsson 1998).

Greining

Líkist engri annarri íslenskri tegund.

Útbreiðsla - Ljósatvítönn (Lamium album)
Útbreiðsla: Ljósatvítönn (Lamium album)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |