Hlaðkolla (Lepidotheca suaveolens)

Mynd af Hlaðkolla (Lepidotheca suaveolens)
Mynd: Hörður Kristinsson
Hlaðkolla (Lepidotheca suaveolens)

Útbreiðsla

Hún barst fyrst til landsins um síðustu aldamót, hefur síðan dreifst nokkuð um landið og er nú nokkuð algeng í þéttbýli. Hún vex einkum í hlaðvörpum og athafnasvæðum við hafnir og í vörumiðstöðvum. Hún virðist ferðast mest með vöruflutningabílum og loða fræin við dekk þeirra. Þannig berst hún heim á sveitabæi með áburðar- og fóðurflutningum. Dreifist þá fyrst út frá þeim stað þar sem bílarnir affermast eða snúa við (Hörður Kristinsson - floraislands.is).

Búsvæði

Hlaðvarpar, vegir, bílastæði og önnur ómalbikuð athafnasvæði (Hörður Kristinsson 1998).

Lýsing

Fremur lágvaxin planta (5–30 sm) með pípukrýndum blómum í körfum. Blómgast í júlí–september.

Blað

Blöðin tví- til þrífjöðruð, smáblöðin striklaga (Hörður Kristinsson 1998).

Blóm

Blómin standa mörg og þétt saman í kúptum körfum, öll pípukrýnd. Krónan gulgræn. Reifablöðin breið, sporbaugótt, græn í miðju með breiðum, glærum himnufaldi (Hörður Kristinsson 1998).

Greining

Líkist helst baldursbrá, blöðin eru afar lík en blóm hlaðkollunnar eru auðþekkt á því að hvítu jaðarblómin vantar.

Útbreiðsla - Hlaðkolla (Lepidotheca suaveolens)
Útbreiðsla: Hlaðkolla (Lepidotheca suaveolens)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |