Flagasóley (Ranunculus reptans)

Mynd af Flagasóley (Ranunculus reptans)
Mynd: Hörður Kristinsson
Flagasóley (Ranunculus reptans)

Útbreiðsla

Algeng um land allt (Hörður Kristinsson - floraislands.is).

Búsvæði

Blaut flög, flæður, leirefja meðfram tjörnum og í tjarnabotnum, einkum þeirra sem þorna á sumrin (Hörður Kristinsson 1998 og floraislands.is).

Lýsing

Jarðlæg planta (rís um 5 sm frá jörðu), blöð striklaga eða lensulaga, blómin gul og fimmdeild. Blómgast í júlí.

Blað

Stöngullinn skriðull með bogsveigðum liðum sem skjóta rótum á liðamótum. Blöðin í hvirfingu á liðamótunum, heilrend, mjó og striklaga, hárlaus, oft breiðari í endann með lensulaga blöðkum (Hörður Kristinsson 1998).

Blóm

Blómin eru um 1 sm í þvermál, fimmdeild. Krónublöðin gul, öfugegglaga, ávöl í endann. Bikarblöðin töluvert styttri, gulgræn, falla fljótt af. Fræflar allmargir (15–20), frævur einnig margar (Hörður Kristinsson 1998).

Greining

Líkist helst efjugrasi og trefjasóley. Efjugrasið skríður ekki og er auðþekkt á blómunum. Trefjasóley þekkist á minni, þrídeildum blómum og annarri blaðgerð.

Útbreiðsla - Flagasóley (Ranunculus reptans)
Útbreiðsla: Flagasóley (Ranunculus reptans)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |