Langkrækill (Sagina saginoides)

Mynd af Langkrækill (Sagina saginoides)
Mynd: Hörður Kristinsson
Langkrækill (Sagina saginoides)

Útbreiðsla

Algeng um allt land, mest þó á hálendinu (Hörður Kristinsson - floraislands.is).

Búsvæði

Grónir bollar, gilbrekkur, eyrar og flög (Hörður Kristinsson 1998).

Lýsing

Mjög lágvaxin jurt (3–6 sm) með mjóum blöðum og litlum, hvítum, fimmdeildum blómum. Blómgast í júní.

Blað

Ljósgræn, hárlaus jurt. Laufblöðin gagnstæð og í stofnhvirfingu, striklaga, 4–10 mm löng og minna en 1 mm breið, broddydd.

Blóm

Blómin 4–5 mm í þvermál, oftast fimmdeild, opnast aðeins í sólskini. Krónublöðin hvít, jafnlöng bikarblöðunum sem eru snubbótt og himnurend. Fræflar tíu. Frævan með fjórum til fimm stílum (Hörður Kristinsson 1998).

Aldin

Fimmtennt, egglaga hýði (Hörður Kristinsson 1998).

Greining

Líkist helst skammkrækli en langkrækill þekkist á fimmdeildum blómum, útbreiddum í sólskini, bikarblöðin lykja oftast þétt að aldininu þegar það er þroskað, blómleggir oftast lengri.

Útbreiðsla - Langkrækill (Sagina saginoides)
Útbreiðsla: Langkrækill (Sagina saginoides)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |