Snæsteinbrjótur (Saxifraga nivalis)

Mynd af Snæsteinbrjótur (Saxifraga nivalis)
Mynd: Hörður Kristinsson
Snæsteinbrjótur (Saxifraga nivalis)

Útbreiðsla

Algengur til fjalla um allt land, á láglendi finnst hann einnig í skuggsælum gljúfrum og klettum (Hörður Kristinsson - floraislands.is).

Búsvæði

Klettar og gljúfur á láglendi, algengur á hálendi (Hörður Kristinsson 1998).

Lýsing

Lágvaxin jurt (8–16 sm) með gróftennt blöð í stofnhvirfingu og hvít blóm í hnapp efst á stönglinum. Blómgast í júní–júlí.

Blað

Stöngullinn loðinn, blaðlaus fyrir neðan blómskipanina. Blöðin í stofnhvirfingu, vængstilkuð. Blaðkan nær kringlótt, gróftennt, 1–2 sm á breidd (Hörður Kristinsson 1998).

Blóm

Blómin standa allmörg saman í hnapp efst á stönglinum, fimmdeild, um 5–6 mm í þvermál, hvít, stundum grænleit eða bleikleit. Bikarinn klofinn nær til miðs, grænn eða rauður. Fræflar tíu, frævan klofin í toppinn með tvo stíla (Hörður Kristinsson 1998).

Greining

Líkist helst dvergsteinbrjóti sem er miklu smærri, með stuttstilkuð eða stilklaus blöð og frænin niðurbeygðari. Náskyldar tegundir sem ekki verða alltaf örugglega aðgreindar.

Útbreiðsla - Snæsteinbrjótur (Saxifraga nivalis)
Útbreiðsla: Snæsteinbrjótur (Saxifraga nivalis)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |