Snækrækill (Sagina nivalis)

Útbreiðsla

Nokkuð algengur til fjalla og á hálendinu (Hörður Kristinsson - floraislands.is).

Búsvæði

Flög til fjalla, lítt grónir vegkantar og deiglendi, oft mikið á rökum áreyrum. Hann er gjarnan með landnemum þar sem landi er raskað á hálendinu (Hörður Kristinsson 1998 og floraislands.is).

Lýsing

Mjög smávaxin jurt (2–3 sm) með mjó blöð og fjórdeild, hvít blóm. Blómgast í júní–júlí.

Blað

Blöðin gagnstæð, lensulaga eða striklaga, broddydd. Stofnblöðin 5–12 mm á lengd (Hörður Kristinsson 1998).

Blóm

Blómin eru fjórdeild. Krónublöðin hvít eða glær, heldur styttri eða á lengd við bikarblöðin sem eru breiðsporbaugótt, um 2 mm á lengd, grænleit með dökkfjólubláum himnujaðri. Fræflar átta. Ein fræva (Hörður Kristinsson 1998).

Aldin

Hýðisaldin með fjórum til fimm tönnum (Hörður Kristinsson 1998).

Greining

Líkist helst langkrækli og skammkrækli. Snækrækillinn þekkist best frá þeim á dökkum faldi bikarblaðanna, einnig er hann allur dökkgrænni á litinn. Fjórdeild blómin greina hann ennfremur frá langkrækli og fjallkrækli sem báðir hafa fimmdeild blóm.

Útbreiðsla - Snækrækill (Sagina nivalis)
Útbreiðsla: Snækrækill (Sagina nivalis)

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |