Varmadepla (Veronica persica)

Útbreiðsla

Slæðingur sem vex einkum við laugar á Suður- og Suðvesturlandi (Hörður Kristinsson 1998).

Lýsing

Fremur lágvaxin jurt (5–20 sm) með stuttstilkuðum, gróftenntum blöðum og fagurbláum blómum í blaðöxlunum.

Blað

Einær jurt. Stöngull skriðull með upprétta sprota, fínhærður (Lid og Lid 2005). Blöðin stuttstilkuð, egglaga-kringluleit, gróftennt (Hörður Kristinsson 1998).

Blóm

Blómin eru einstök í blaðöxlunum, krónublöðin fagurblá nema það neðsta sem er ljósara (Hörður Kristinsson 1998). Bikarblöð 6–7 mm löng (Lid og Lid 2005).

Aldin

Aldinleggir um 30 mm langir, niðursveigðir. Aldin breiðhjartalaga með greinilegar taugar, kjöl meðfram brúnunum, stutthærð á hliðunum og með kirtilhár á kjölnum (Lid og Lid 2005).

Útbreiðsla - Varmadepla (Veronica persica)
Útbreiðsla: Varmadepla (Veronica persica)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |