Lækjadepla (Veronica serpyllifolia)

Mynd af Lækjadepla (Veronica serpyllifolia)
Mynd: Hörður Kristinsson
Lækjadepla (Veronica serpyllifolia)
Mynd af Lækjadepla (Veronica serpyllifolia)
Mynd: Hörður Kristinsson
Lækjadepla (Veronica serpyllifolia)

Útbreiðsla

Hún er algeng um allt land (Hörður Kristinsson - floraislands.is).

Búsvæði

Meðfram lækjum, í skurðum og í deigu graslendi (Hörður Kristinsson 1998).

Lýsing

Lágvaxin jurt (10–20 sm) með blöðóttum stöngli og litlum, fölbláum blómum með dökku munstri. Blómgast í júní.

Blað

Stöngullinn gisblöðóttur. Blöðin gagnstæð, sporbaugótt eða egglensulaga, stuttstilkuð eða stilklaus, ógreinilega tennt eða nær heilrend, oftast hárlaus (Hörður Kristinsson 1998).

Blóm

Blómin eru mörg í löngum, gisnum klasa, 3–5 mm í þvermál. Krónublöðin mjög ljósblá, oft nærri hvít með bláum æðum. Bikarblöðin græn, nær hárlaus, snubbótt. Fræflar tveir. Ein fræva með einum stíl (Hörður Kristinsson 1998).

Aldin

Aldinið er öfughjartalaga (Hörður Kristinsson 1998).

Greining

Hún er auðþekkt frá öðrum deplum á hinum ljósbláu, nær hvítu blómum.

Útbreiðsla - Lækjadepla (Veronica serpyllifolia)
Útbreiðsla: Lækjadepla (Veronica serpyllifolia)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |