Útbreiðsla
Finnst víða um land, síst inni á miðhálendinu (Bergþór Jóhannsson 1996a).Vistgerðir
Vex í mýrum, við tjarnir, læki og ár, í rökum klettum og við dý og fossa (Bergþór Jóhannsson 1996a).Lýsing
Frekar stórar plöntur, uppréttar eða uppsveigðar, grænar, gulgrænar eða gulbrúnar, oft nokkuð reglulega fjaðurgreindar (Bergþór Jóhannsson 1996a).
GróliðurFrekar stórar plöntur, upp í 20 sm, uppréttar eða uppsveigðar, grænar, gulgrænar eða gulbrúnar, oft nokkuð reglulega fjaðurgreindar. Greinar stuttar, útstæðar. Blöð upprétt eða útstæð en aðlæg á endum stöngla og greina. Greinar eru því yddar, einnig stöngulendi. Stöngulblöð 2-2,5 mm, kúpt, langegglaga. Blaðendi snubbóttur eða með örstuttum broddi. Blöð heilrend, rif ekkert eða mjög stutt og klofið. Greinablöð styttri og mjórri en stöngulblöðin (Bergþór Jóhannsson 1996a).
KynliðurPlöntur einkynja, afar sjaldan með gróhirslum. Stilkur oftast 4-5 sm, rauður, rauðbrúnn eða brúnn. Gróhirsla langegglaga, brún, bogin, stendur nokkurn veginn hornrétt út frá stilk. Lok hátt, keilulaga. Ytri tennur lárétt strikóttar neðan til á ytra borði en vörtóttar framan til. Innri krans vel þroskaður, gulur (Bergþór Jóhannsson 1996a).
FrumurFrumur í framhluta blaðs striklaga, með þunnum eða nokkuð þykkum veggjum. Frumur í blaðgrunni styttri og breiðari, með þykkum, holóttum veggjum. Hornfrumur stórar, tútnar, litlausar, með þunnum veggjum, mynda afar vel afmörkuð horn (Bergþór Jóhannsson 1996a).
Útbreiðslukort
Höfundur
Bergþór Jóhannsson 2007
Vex í mýrum, við tjarnir, læki og ár, í rökum klettum og við dý og fossa (Bergþór Jóhannsson 1996a).Biota
- Tegund (Species)
- Geirmosi (Calliergonella cuspidata)