Dröfnumosi (Preissia quadrata)

Mynd af Dröfnumosi (Preissia quadrata)
Mynd: Hörður Kristinsson
Dröfnumosi (Preissia quadrata)

Útbreiðsla

Finnst í öllum landshlutum (Bergþór Jóhannsson 2002).

Búsvæði

Vex í klettum, oft við læki, í flögum í jarðhita, í snjódældum og víðar (Bergþór Jóhannsson 2002).

Lýsing

Plöntur í meðallagi stórar. Þal leðurkennt. Neðra borð oftast rautt (Bergþór Jóhannsson 2002).

Gróliður

Plöntur í meðallagi stórar. Þal leðurkennt. Efra borð grænt, jaðar oft rauður, stundum er allt efra borðið rautt. Neðra borð oftast rautt. Þal lítillega kvíslgreint og oft með greinum frá neðra borði þalenda. Greinar geta einnig komið frá neðra borði miðrifs (Bergþór Jóhannsson 2002).

Kynliður

Plöntur ýmist einkynja eða tvíkynja. Karlhöfuð og kvenhöfuð standa á grænum eða rauðum stilkum með tveim rætlingarennum. Nokkrar dreifðar, mjóaar flögur geta verið á stilkunum en engar flögur eru við stilkgrunn. Karlhöfuð næstum kringlótt, grænt eða rautt á efra borði. Kvenhöfuð oftast grænt, stundum rauðleitt, kúpt, ferhyrnt, með fjórum stuttum sepum og á efra borði eru fjórir hryggir út frá miðju sem enda í bilinu milli sepanna. Gróhirslur undir sepunum (Bergþór Jóhannsson 2002).

Útbreiðsla - Dröfnumosi (Preissia quadrata)
Útbreiðsla: Dröfnumosi (Preissia quadrata)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |