Mánajurt (Botrychium boreale)

Útbreiðsla

Sjaldgæf (Hörður Kristinsson 1998).

Búsvæði

Graslendi eða grasmóar (Hörður Kristinsson 1998).

Lýsing

Lágvaxin jurt (6–15 sm) með einu, fjaðurskiptu blaði og klasa af gróhirslum (Hörður Kristinsson 1998).

Blað

Örstuttur, uppréttur jarðstöngull með einu blaði sem ofan til greinist í tvo hluta, gróbæran hluta með klasa af gróhirslum og blaðkenndan hluta með fjaðurskiptri blöðku. Blaðkan 2–5 sm á lengd með tígullaga, skertum smáblöðum með snubbóttum flipum, þau neðstu um 1–1,5 sm á lengd og breidd (Hörður Kristinsson 1998).

Blóm

Gróhirslurnar hnöttóttar, um 1 mm í þvermál, opnast með rifu þvert yfir kollinn (Hörður Kristinsson 1998).

Greining

Líkist helst lensutungljurt en hún er með lengri og reglulega fjaðursepótt smáblöð. Það er ekki alltaf auðvelt að greina þessar tvær tegundir að (Hörður Kristinsson 1998).

Válisti

VU (tegund í nokkurri hættu)

Ísland Heimsválisti
VU NE

Viðmið IUCN: D1

D. Stofn talinn mjög lítill eða með mjög takmarkaða útbreiðslu.
D1. Number of mature individuals.

Hættuflokkar Alþjóðanáttúruverndarsamtakanna (IUCN)

Viðmið IUCN um mat á válista (pdf)

Eldri válistar

Válisti 2008: Mánajurt er ekki á válista en í hættuflokki NT (í nokkurri hættu).

Válisti 1996: Mánajurt er ekki á válista.

Útbreiðsla - Mánajurt (Botrychium boreale)
Útbreiðsla: Mánajurt (Botrychium boreale)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |