Keldustör (Carex paupercula)

Mynd af Keldustör (Carex paupercula)
Mynd: Hörður Kristinsson
Keldustör (Carex paupercula)

Útbreiðsla

Fremur sjaldgæf á landinu en er einna algengust á Vesturlandi og Vestfjörðum, við utanverðan Eyjafjörð og utanvert Fljótsdalshérað. Hún vex nær eingöngu á láglendi upp í um 200 m hæð. Hæstu fundarstaðir eru á Upsadal á Upsaströnd og á Fljótsheiði í um 250 m hæð og Ljótsstaðahalli við Laxárdal í 230 m (Hörður Kristinsson - floraislands.is).

Búsvæði

Flóar.

Lýsing

Meðalstór stör (15–30 sm), fagurgræn með tveim til þrem, stuttum, hangandi kvenöxum. Blómgast í júní–júlí.

Blað

Stráin þrístrend, grönn. Blöðin fagurgræn, flöt, neðsta stoðblað axanna nær oftast upp fyrir þau (Hörður Kristinsson 1998).

Blóm

Tvö til þrjú stutt, hangandi, legglöng kvenöx og eitt upprétt karlax. Axhlífar dökkbrúnar, langar og oddmjóar, oddurinn oft boginn og nær langt upp fyrir hulstrið sem er grænt, oft dökkt að ofan, trjónulaust, hrjúft. Þrjú fræni (Hörður Kristinsson 1998).

Greining

Líkist flóastör en hún er með styttri axhlífar, lengri kvenöx. Hún er einnig smávaxnari og blaðstyttri.

Útbreiðsla - keldustör kynbl. (Carex paupercula)
Útbreiðsla: keldustör kynbl. (Carex paupercula)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |