Lækjafræhyrna (Cerastium cerastoides)

Mynd af Lækjafræhyrna (Cerastium cerastoides)
Mynd: Hörður Kristinsson
Lækjafræhyrna (Cerastium cerastoides)

Útbreiðsla

Lækjafræhyrna er hvarvetna algeng á fjöllum og á hálendinu en víða fátíð á láglendi (Hörður Kristinsson - floraislands.is).

Búsvæði

Deiglendi meðfram lækjasytrum, við uppsprettur, í dýjum og rökum flögum, einkum til fjalla (Hörður Kristinsson 1998 og floraislands.is).

Lýsing

Mjög lágvaxin jurt (3–6 sm) með sérkennilega sveigðum blöðum. Blómstrar hvítum blómum í júní.

Blað

Stöngullinn ásamt bikarnum nokkuð kirtilhærður og jarðlægur. Blöðin gagnstæð, hárlaus, aflöng eða lensulaga, snubbótt blaðpörin oftast bæði beygð út til sömu hliðar (Hörður Kristinsson 1998).

Blóm

Blómin eru 7–10 mm í þvermál. Krónublöðin hvít, 7–8 mm á lengd, með skerðingu í endann, töluvert lengri en bikarblöðin sem eru himnurend, um 5 mm löng. Fræflar tíu og ein fræva með fimm stílum (Hörður Kristinsson 1998).

Aldin

Tannhýði með tíu tönnum (Hörður Kristinsson 1998).

Greining

Þekkist best frá músareyra og vegarfa á hinum hliðsveigðu, hárlausu blaðpörum og á færri stílum.

Útbreiðsla - Lækjafræhyrna (Cerastium cerastoides)
Útbreiðsla: Lækjafræhyrna (Cerastium cerastoides)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |