Fjallafræhyrna (Cerastium nigrescens)

Mynd af Fjallafræhyrna (Cerastium nigrescens)
Mynd: Hörður Kristinsson
Fjallafræhyrna (Cerastium nigrescens)

Útbreiðsla

Fjallafræhyrna er sjaldan á láglendi en er algeng hátt til fjalla. Að jafnaði vex hún frá 600 til 1500 m hæð og er venjulega algeng eftir að komið er í þessa hæð (Hörður Kristinsson - floraislands.is).

Búsvæði

Háfjallamelar og hlíðar.

Lýsing

Lágvaxin jurt (5–15 sm), hærð með hvít blóm. Blómgast í júní–júlí.

Blað

Stöngullinn kirtilhærður með gagnstæðum, 0,8–1,5 sm löngum og 4–8 mm breiðum blöðum. Blöðin öfugegglaga eða oddbaugótt, stilklaus, loðin, einkum á röndunum (Hörður Kristinsson 1998).

Blóm

Blómin eru 1–1,5 sm í þvermál. Krónublöðin fimm, hvít, klofin í endann, þriðjungi til nær helmingi lengri en bikarblöðin sem eru 6–8 mm löng, oddmjó, kirtilhærð, himnurend. Fræflar tíu og ein fræva með fimm stílum (Hörður Kristinsson 1998).

Aldin

Tannhýði með tíu tönnum (Hörður Kristinsson 1998).

Greining

Hún líkist mjög músareyra, sem er algengt frá láglendi upp í sömu hæð og fjallafræhyrnan. Helstu einkenni sem greina hana frá músareyra eru breiður og ávalur bikarbotn, breiðari bikarblöð með ávalari oddi, aldinið breiðara, fagurgrænni litur og minni loðna á blöðum og heldur styttri krónublöð.

Útbreiðsla - Fjallafræhyrna (Cerastium nigrescens)
Útbreiðsla: Fjallafræhyrna (Cerastium nigrescens)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |