Þistill (Cirsium arvense)

Mynd af Þistill (Cirsium arvense)
Mynd: Hörður Kristinsson
Þistill (Cirsium arvense)

Útbreiðsla

Hann er innfluttur en ílendur slæðingur sem vex hér og hvar í byggð.

Búsvæði

Meðfram vegum og við bæi, stundum á ruslahaugum.

Lýsing

Stórvaxin jurt (30–70 sm) með margar, þéttblóma, purpurarauðar blómkörfur efst. Blómgast í ágúst– september.

Blað

Vex í þéttum breiðum. Stönglar gáróttir, marggreinóttir með þyrnum. Laufblöðin fjaðurflipótt, greipfætt, 5–12 sm á lengd, fliparnir óreglulega tenntir og þyrnóttir. Neðra borð blaðanna gráhvítt, þéttlóhært (Hörður Kristinsson 1998).

Blóm

Blómin eru efst í mörgum, þéttblóma, purpurarauðum körfum sem hver um sig situr á bústnum, egglaga hnappi, sköruðum af dökkgráum reifablöðum með útstæðum, rauðleitum eða dökkum oddi. Krónurnar pípulaga, bognar (Hörður Kristinsson 1998).

Greining

Líkist engri annarri íslenskri tegund, auðþekktur á þyrnóttum blöðum.

Útbreiðsla - Þistill (Cirsium arvense)
Útbreiðsla: Þistill (Cirsium arvense)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |