Garðahjálmgras (Galeopsis tetrahit)

Mynd af Garðahjálmgras (Galeopsis tetrahit)
Mynd: Hörður Kristinsson
Garðahjálmgras (Galeopsis tetrahit)

Útbreiðsla

Fremur sjaldgæfur slæðingur, það er þó algengara suðvestanlands en annars staðar á landinu (Hörður Kristinsson 1998).

Búsvæði

Slæðingur í görðum og við bæi (Hörður Kristinsson 1998).

Lýsing

Meðalhá planta (15–30 sm) með smáum, bleikum blómum í blaðöxlunum. Blómgast í júlí.

Blað

Stöngullinn ferstrendur, hærður. Blöðin gagnstæð, stilkuð, blaðkan egglaga til tígullaga, reglulega gróftennt, 2–5 sm á lengd, hærð báðum megin (Hörður Kristinsson 1998).

Blóm

Blómin standa í þyrpingum í blaðöxlum, einsamhverf. Krónan pípulaga, varaskipt, 12–18 mm á lengd, bogin ofan til, purpurarauð með hvítum hárum. Bikarinn klofinn til miðs eða dýpra í fimm, þornkennda brodda. Fræflar fjórir. Ein fræva í botni bikarsins (Hörður Kristinsson 1998).

Aldin

Aldinið ferkleyft, í botni bikarsins (Hörður Kristinsson 1998).

Greining

Líkist akurtvítönn og fleiri tvítönnum en þekkist frá þeim m.a. á grófari hæringu og oddhvassari blöðum.

Útbreiðsla - Garðahjálmgras (Galeopsis tetrahit)
Útbreiðsla: Garðahjálmgras (Galeopsis tetrahit)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |