Gullvöndur (Gentianella aurea)

Mynd af Gullvöndur (Gentianella aurea)
Mynd: Hörður Kristinsson
Gullvöndur (Gentianella aurea)

Útbreiðsla

Algengur um allt land en síður inni á hálendinu (Hörður Kristinsson 1998).

Búsvæði

Vex á þurrum grasbölum, grónum melbrekkum, gilkinnungum og snöggu mólendi (Hörður Kristinsson - floraislands.is).

Lýsing

Fremur lágvaxin planta (8–12 sm) með allmörgum fjólubláum blómum saman í hnapp. Blómgast í júní–júlí.

Blað

Stönglarnir oft mikið greindir neðan til, skarpstrendir eða vængjaðir, hárlausir. Laufblöðin heilrend, egglaga, odddregin í endann en niðurbreið (Hörður Kristinsson 1998).

Blóm

Blómin eru oftast allmörg saman í hnapp, rétt ofan við fjögur allstór laufblöð. Krónan tiltölulega lítil, 4–5 mm í þvermál og 7–8 mm á lengd, fölfjólublá í efri enda, oft grænhvít neðan til. Krónuflipar oftast fjórir (eða fimm), odddregnir, engir ginleppar að innanverðu. Bikarfliparnir lítið styttri, mjóir (1 mm), misstórir. Fjórir fræflar, ein fræva (Hörður Kristinsson 1998).

Greining

Líkist maríuvendlingi en gullvöndurinn hefur ljósari, fjólubláleitari blóm með styttri krónpípu og standa þau gjarnan mörg saman í þyrpingu. Getur einnig minnt á grænvönd.

Útbreiðsla - Gullvöndur (Gentianella aurea)
Útbreiðsla: Gullvöndur (Gentianella aurea)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |