Maríuvöndur (Gentianella campestris)

Mynd af Maríuvöndur (Gentianella campestris)
Mynd: Hörður Kristinsson
Maríuvöndur (Gentianella campestris)

Útbreiðsla

Nokkuð algengur en er síður að finna inni á hálendinu (Hörður Kristinsson 1998).

Búsvæði

Þurrar grundir, gilkinnungar og brekkur (Hörður Kristinsson 1998).

Lýsing

Fremur lágvaxin planta (10–18 sm) með tiltölulega stórum, fjólubláum blómum. Blómgast í júlí–ágúst.

Blað

Stöngullinn stinnur, gáraður með upphleyptum strengjum, hárlaus, oft greindur ofan til. Blöðin egglaga til egglensulaga, oftast 2–3 sm á lengd, hárlaus, heilrend (Hörður Kristinsson 1998).

Blóm

Krónan er pípulaga, um 2–2,5 sm á lengd, dökkfjólublá, krónufliparnir með hárkenndum ginleppum að innanverðu. Bikarinn klofinn djúpt niður, tveir ytri fliparnir breiðir (5–7 mm), þeir innri miklu mjórri. Fjórir fræflar, ein fræva með tvíklofnu fræni (Hörður Kristinsson 1998).

Greining

Líkist helst engjavendi og grænvendi. Maríuvöndur er auðþekktur á tveim breiðum bikarblöðum, auk þess með fjólublárri blómum og áberandi fjólublámenguðum blöðum og stönglum.

Útbreiðsla - Maríuvöndur (Gentianella campestris)
Útbreiðsla: Maríuvöndur (Gentianella campestris)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |