Þrílaufungur (Gymnocarpium dryopteris)

Mynd af Þrílaufungur (Gymnocarpium dryopteris)
Mynd: Hörður Kristinsson
Þrílaufungur (Gymnocarpium dryopteris)

Útbreiðsla

Hann er algengur á Vesturlandi, í útsveitum Miðnorðurlands og á Austfjörðum, fremur fátíður annars staðar (Hörður Kristinsson - floraislands.is).

Búsvæði

Mest sem undirgróður í skóglendi og lyngi eða í hraunsprungum.

Lýsing

Fremur lágvaxinn burkni (10–30 sm) með tví- til þrífjaðraða blöðku.

Blað

Láréttur jarðstöngull með afar grönnum og fínlegum blaðstilkum. Blaðkan tví- til þrífjöðruð. Blaðstilkurinn gisflosugur neðan til. Smáblöðin fínstilkuð, neðsta smáblaðparið langstærst, hvort blað um sig oft ekki mikið minna en öll hin smáblöðin til samans svo blaðkan lítur út eins og skipt í þrjár minni blöðkur. Smáblöð annarrar gráðu fjöðruð eða fjaðurskipt, með ávölum endatönnum (Hörður Kristinsson 1998).

Blóm

Gróblettirnir kringlóttir, engin gróhula (Hörður Kristinsson 1998).

Greining

Líkist engri annarri íslenskri tegund, þekkist frá öðrum burknum á áberandi þrískiptingu blöðkunnar.

Útbreiðsla - Þrílaufungur (Gymnocarpium dryopteris)
Útbreiðsla: Þrílaufungur (Gymnocarpium dryopteris)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |