Þráðsef (Juncus filiformis)

Mynd af Þráðsef (Juncus filiformis)
Mynd: Hörður Kristinsson
Þráðsef (Juncus filiformis)

Útbreiðsla

Það er algengt um norðanvert landið en sjaldséð á Suðurlandi austan Ölfusár (Hörður Kristinsson - floraislands.is).

Búsvæði

Vel grónar hálfdeigjur, mýrajaðrar, rakir lækjarbakkar og gilhvammar (Hörður Kristinsson - floraislands.is og Hörður Kristinsson 1998)

Lýsing

Fremur hávaxið sef (20–40 sm) með grönnum, sívölum stráum og löngu stoðblaði. Blómgast í júní–júlí.

Blað

Stráin eru sívöl, fremur grönn, nálarlaga. Ljósgulbrúnt slíður neðst á stönglinum með örstuttum broddi í stað blöðku. Stoðblað mjög langt, í beinu framhaldi af stráinu (Hörður Kristinsson 1998).

Blóm

Fá þéttstæð blómhnoðu í hnapp sem virðist vera á miðju stráinu eða neðar en í rauninni er það stoðblaðið sem blekkir. Blómhlífin sexblaða. Blómhlífarblöðin odddregin, ljósbrún eða grænleit. Fræflar sex með gulgrænum frjóhirslum. Frævan rauð með bleikt, þrískipt fræni (Hörður Kristinsson 1998).

Aldin

Aldinin gljáandi, ljósbrún (Hörður Kristinsson 1998).

Greining

Líkist helst hrossanál en þráðsefið þekkist á fíngerðari stráum og ljósari blómskipan, stoðblaðið álíka langt og stráið.

Útbreiðsla - Þráðsef (Juncus filiformis)
Útbreiðsla: Þráðsef (Juncus filiformis)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |