Akurtvítönn (Lamium purpureum)

Mynd af Akurtvítönn (Lamium purpureum)
Mynd: Hörður Kristinsson
Akurtvítönn (Lamium purpureum)

Útbreiðsla

Finnst nokkuð oft inni í bæjum og í byggð, meðal annars á höfuðborgarsvæðinu, þótt ekki geti hún talist algeng (Hörður Kristinsson - floraislands.is).

Búsvæði

Röskuð svæði, garðar eða hlaðvarpar (Hörður Kristinsson 1998).

Lýsing

Meðalhá planta (15–30 sm) með purpurarauðum blómum í blaðöxlunum. Blómgast í júní–júlí.

Blað

Stöngullinn ferstrendur. Blöðin gagnstæð, þéttust efst, stilkuð, hjartalaga eða nýrlaga, gróftennt, tennur sljóar, blöðin misstór, 1–4 sm í þvermál (Hörður Kristinsson 1998).

Blóm

Blómin eru allmörg saman út frá blaðöxlunum. Krónan 10–15 mm á lengd, einsamhverf, purpurarauð, loðin að utan, varaskipt. Bikarinn klofinn í fimm flipa niður að miðju. Bikarfliparnir oddmjóir, nær striklaga, hærðir, gleiðir og útstæðir. Fræflar fjórir. Frævan með einum stíl og klofnu fræni (Hörður Kristinsson 1998).

Greining

Líkist öðrum tvítönnum sem finnast við bæi og í kauptúnum sem slæðingar, með áþekk purpurarauð blóm. Varpatvítönn hefur kringluleitari blöð, þau efri stilklaus og feðma um stöngulinn. Garðatvítönn hefur nýrlaga laufblöð og hlutfallslega lengri bikarflipa.

Útbreiðsla - Akurtvítönn (Lamium purpureum)
Útbreiðsla: Akurtvítönn (Lamium purpureum)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |