Fuglaertur (Lathyrus pratensis)

Mynd af Fuglaertur (Lathyrus pratensis)
Mynd: Hörður Kristinsson
Fuglaertur (Lathyrus pratensis)

Útbreiðsla

Fremur sjaldgæf (Hörður Kristinsson 1998).

Búsvæði

Ræktarlegt mólendi, graslendi og skóglendi eða kjarr (Hörður Kristinsson 1998).

Lýsing

Fremur hávaxin jurt (30–50 sm) með vafþráðum og gulum, einsamhverfum blómum. Blómgast í júlí–ágúst.

Blað

Stöngullinn hvassstrendur. Blöðin stakstæð, fjöðruð, aðeins með einu fullmynduðu blaðpari en vafþráðum í endann sem oft vefjast utan um nærliggjandi plöntur. Smáblöðin lensulaga, hvassydd. Tvö skakkörlaga og hvassydd axlablöð við blaðfótinn (Hörður Kristinsson 1998).

Blóm

Blómin eru um 1,5 sm á lengd, einsamhverf, stuttstilkuð, sex til tíu saman í einhliða klasa. Krónublöðin gul. Bikarinn um 1 sm á lengd, klofinn niður til miðs í fimm mjóa og odddregna flipa, taugarnar hærðar. Fræflar tíu, ein fræva (Hörður Kristinsson 1998).

Aldin

Aldinið er belgur, myndaður af einu fræblaði (Lid og Lid 2005).

Greining

Auðþekkt frá öðrum íslenskum tegundum á gulum ertublómum og aðeins einu pari smáblaða.

Útbreiðsla - Fuglaertur (Lathyrus pratensis)
Útbreiðsla: Fuglaertur (Lathyrus pratensis)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |