Fjallafoxgras (Phleum alpinum)

Útbreiðsla

Algengt um allt land frá láglendi upp í meir en 700 m hæð (Hörður Kristinsson - floraislands.is).

Vistgerðir

Gróskumiklir grasbollar, gilbrekkur, hvammar og dældir, einkum til heiða (Hörður Kristinsson 1998).

Lýsing

Meðalhá grastegund (15–40 sm) með dökkum, þéttum, stífum axpunti. Blómgast í júní.

Blað

Blöðin 3–6 mm breið. Efsta blaðslíðrið útblásið. Slíðurhimnan stutt (1–2 mm) (Hörður Kristinsson 1998).

Blóm

Smáöxin eru einblóma, þétt saman í sívölum, 1–3 sm löngum, dökkum, 8–12 mm breiðum axpunti. Axagnir 5–7 mm langar, randhærðar á kilinum, ganga fram í hvassan brodd sem oft er ríflega helmingur af lengd agnarinnar (Hörður Kristinsson 1998).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Greining

Líkist helst vallarfoxgrasi. Fjallafoxgras þekkist á útblásnu blaðslíðri og styttra axi.

Útbreiðslukort

Höfundur

Hörður Kristinsson 2007

Gróskumiklir grasbollar, gilbrekkur, hvammar og dældir, einkum til heiða (Hörður Kristinsson 1998).

Biota

Tegund (Species)
Fjallafoxgras (Phleum alpinum)