Reyrgresi (Hierochloe odorata)

Útbreiðsla

Vistgerðir

Lýsing

Fremur hávaxin grastegund (25–50 sm) með áberandi breiðum og gljáandi, ilmsætum blöðum. Blómgast í júlí.

Blaðsprotar 4–6 mm breið blöð. Stráblöðin stutt en renglublöðin löng og gljáandi á efra borði, ofurlítið hærð, fagurgræn eða gulgræn (Hörður Kristinsson 1998).

Punturinn útbreiddur, 5–12 sm langur, ljósbrúnn. Smáöxin stutt og breið, þríblóma. Axagnir 5–6,5 mm langar, himnukenndar, ljósbrúnar, breiðar með allmörgum, fremur óskýrum taugum. Ytri blómagnir ljósbrúnhærðar, broddyddar (Hörður Kristinsson 1998).

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Líkist helst vallarsveifgrasi, reyrgresið þekkist á breiðari og gljáandi blöðum með reyrbragði. Blaðoddurinn ekki með lögun bátnefs. Ilmreyr hefur svipuð en styttri og mjórri blöð, einnig með reyrbragði en hann þekkist frá reyrgresi á hárum umhverfis slíðurhimnuna.

Útbreiðslukort

Höfundur

Hörður Kristinsson 2007