Vallarrýgresi (Lolium perenne)

Lýsing

Fremur hávaxið gras (20–60 sm), blöð dökkgræn með glansandi neðra borði og punturinn grannur og tvíhliða.

Myndar gisnar þúfur eða breiður. Blöð þykk og dökkgræn, glansandi á neðra borði, ekki með eyrum. Slíðurhimnan 1–2 mm löng. Stráin knébeygð, slétt, oftast ógreind (Lid og Lid 2005).

Smáöxin um 10 mm löng, fjögurra- til tíublóma. Ytri blómögn sjötauga (Lid og Lid 2005).

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Útbreiðslukort

Höfundur

Hörður Kristinsson 2007