Grasnykra (Potamogeton gramineus)

Útbreiðsla

Vistgerðir

Lýsing

Fremur lágvaxin vatnajurt, 10–20 sm há en getur orðið 30–40 sm ef vatnið er það djúpt. Blómgast í júlí–ágúst.

Flotblöðin oddbaugótt, á löngum, grönnum stilk. Blaðkan 2–6 sm löng og um 1 sm á breidd. Kafblöðin lensulaga, ydd, óstilkuð, oftast 3–6 sm á lengd og 0,5 sm á breidd. Axlablöðin himnukennd, striklaga, 1–2 sm löng (Hörður Kristinsson 1998).

Blómin smá, blómhlífarlaus með fjórum fræflum og frævum, allmörg saman í grænleitu eða ljósbrúnu, 1,5–2 sm löngu axi sem stendur upp úr vatninu. Axstilkurinn gildnar nokkuð uppi undir axinu (Hörður Kristinsson 1998).

Líkist fjallnykru en grasnykran þekkist vel á hinum yddu kafblöðum og og á því að axstilkurinn gildnar efst undir axinu. Líkist einnig blöðkunykru sem er þó miklu grófari og stórvaxnari og vex í dýpri vötnum.

Útbreiðslukort

Höfundur

Hörður Kristinsson 2007