Kollhæra (Luzula multiflora)

Mynd af Vallhæra (Luzula multiflora)
Mynd: Hörður Kristinsson
Vallhæra (Luzula multiflora)

Útbreiðsla

Mjög aleng um land allt á láglendi og upp í um 600 til 700 m hæð en ekki þar fyrir ofan

Búsvæði

Móar, valllendi, kjarr, fjallshlíðar.

Lýsing

Meðalhá til hávaxin hæra (15–50 sm) með nokkur blómhnoðu í hnapp. Blómgast í júní.

Blað

Stráið sívalt. Stoðblaðið nær venjulega upp fyrir legglengstu blómhnoðun. Stofnblöðin 3–6 mm breið, flöt eða ofurlítið uppsveigð á jöðrum, oft meir eða minna rauðleit með löngum, hvítum hárum á röndunum, einkum neðst við blaðfótinn.

Blóm

Blómin eru mörg saman í 4–8 blómhnoðum á mislöngum leggjum. Blómhlífarblöðin sex, oddmjó, dökkbrún. Fræflar sex. Ein þrístrend fræva með einum stíl og þrískiptu fræni.

Greining

Líkist helst dökkhæru sem er með dekkri blómhnoðu sem eru oftast í þéttum hnapp, efsti hluti plöntunnar oft rauðari, stráið uppsveigt neðst.

Útbreiðsla - Vallhæra (Luzula multiflora)
Útbreiðsla: Vallhæra (Luzula multiflora)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |