Útbreiðsla
Innflutt jurt sem einhvern tíma hefur slæðst inn í landið með manninum. Hann er mjög algengur á höfuðborgarsvæðinu og víðar á Suðvesturlandi. Annars staðar á landinu er hann fremur sjaldséður og aðeins í byggð (Hörður Kristinsson - floraislands.is).Almennt
Krossfífill var áður notaður til að ormahreinsa börn (Arnbjörg Linda Jóhannsdóttir 1998). Að auki var seyði af honum notað gegn ýmsum hitasóttum, magaverkjum og hausverk (Ágúst H. Bjarnason 1994).
NytjarKrossfífill hefur verið notaður til að vinna gegn gallveiki og krampaverkjum svo dæmi séu tekin (Arnbjörg Linda Jóhannsdóttir 1998).
LíffræðiKrossfífill inniheldur m.a. inúlín, kvoðunga, kalíum og beiskjuefnin senekín og sníókín. Beiskjuefnin geta valdið fósturmissi hjá þunguðum konum sem neyta jurtarinnar (Arnbjörg Linda Jóhannsdóttir 1998).
Vistgerðir
Garðar, athafnasvæði, götur og bílastæði (Hörður Kristinsson 1998 og floraislands.is).Lýsing
Meðalhá jurt (12–25 sm) með fjaðurflipóttum blöðum og pípukrýnd, gul blóm í körfum. Blómgast í júní–september.
BlaðStöngullinn með fremur fáum hárum, stakstæðum blöðum og fáum blómkörfum efst. Blöðin fjaðurflipótt, þau neðstu oft sepótt, separ og flipar tenntir (Hörður Kristinsson 1998).
BlómBlómin eru í litlum körfum, 3–4 mm á breidd sem breiða lítið úr sér. Öll blómin pípukrýnd, gul. Krónan um eða innan við 1 mm á breidd, fimmdeild, 5–6 mm löng. Frævan með klofið fræni. Innri reifablöð löng (8 mm), þau ytri miklu styttri, öll aðlæg og svört í oddinn (Hörður Kristinsson 1998).
AldinFræin með svifkransi (Hörður Kristinsson 1998).
AfbrigðiStundum koma fram einstaklingar krossfífils með tungukrýnd jaðarblóm.
GreiningLíkist engri annarri íslenskri tegund.
Útbreiðslukort
Höfundur
Hörður Kristinsson 2007
Garðar, athafnasvæði, götur og bílastæði (Hörður Kristinsson 1998 og floraislands.is).Biota
- Tegund (Species)
- Krossfífill (Senecio vulgaris)