Alurt (Subularia aquatica)

Útbreiðsla

Vistgerðir

Lýsing

Örsmá vatnajurt (2–5 sm) með þráðlaga blöð í stofnhvirfingu og litlum hvítum blómum.

Einær (Hörður Kristinsson - floraislands.is). Blöðin þráðlaga, í stofnhvirfingu, 0,5–4 sm á lengd, 1 mm á breidd neðst, mjókka fram, oft í þrjáðmjóan odd (Hörður Kristinsson 1998).

Blómin fá, fjórdeild. Krónublöðin hvít, 1–2 mm á lengd, aflöng og innan við 0,5 mm á lengd. Bikarblöðin græn, oft dökk eða fjólubláleit í oddinn. Fræflar sex. Ein fræva (Hörður Kristinsson - floraislands.is).

Aldinið er öfugegglaga eða sporbaugótt, 2–3 mm langt og 1,5–2 mm breitt. Aldinstilkurinn heldur lengri en aldinið sjálft. Plantan er afar fljót að mynda fullþroska fræ (Hörður Kristinsson 1998).

Líkist óblómguð t.d. flagasóley, efjuskúfi, álftalauk og tjarnalauk en eftir að hún hefur blómstrað eða þroskað aldin er hún auðþekkt því hún hefur öll einkenni krossblómaætta: fjórdeild blóm, sex fræfla og skálpa sem aldin. Alurtin myndar aldrei skriðular renglur eins og sumar hinna tegundanna gera.

Útbreiðslukort

Höfundur

Hörður Kristinsson 2007