Hnoðafræhyrna (Cerastium glomeratum)

Mynd af Hnoðafræhyrna (Cerastium glomeratum)
Hnoðafræhyrna (Cerastium glomeratum) – Ljósm. Hörður Kristinsson

Útbreiðsla

Fremur sjaldgæf, finnst aðeins á Suður- og Suðvesturlandi (Hörður Kristinsson 1998).

Lýsing

Einær, lágvaxin jurt (5–15 sm) með hvít blóm í kvíslskúfum.

Blað

Blöðin egglaga eða sporbaugótt, broddydd. Jurtin er ljósgræn, dúnhærð og kirtilhærð efst. Blöð breiðsporbaugótt (Lid og Lid 2005).

Blóm

Blómin í kvíslskúfum, krónublöðin álíka löng eða lítið eitt lengri en bikarblöðin (Hörður Kristinsson 1998). Bikarblöðin með mjóum himnufaldi og löng hár í endann. Blómleggir styttri en bikarinn (Lid og Lid 2005).

Aldin

Aldinin gláandi með sérkennilega gullgulum blæ (Hörður Kristinsson 1998).

Greining

Minnir á vegarfa eða músareyra. Blómin eru venjulega fleiri saman í þéttari kvíslskúfum, krónublöðin álíka löng eða lítið eitt lengri en bikarblöðin, aldinin gláandi með sérkennilega gullgulum blæ, blöðin breiðari, egglaga eða sporbaugótt, broddydd.

Útbreiðslukort

Útbreiðsla - Hnoðafræhyrna (Cerastium glomeratum)
Útbreiðsla: Hnoðafræhyrna (Cerastium glomeratum)

Höfundur

Hörður Kristinsson 2007

Biota

Ríki (Kingdom)
Plöntur (Plantae)
Fylking (Phylum)
Æðplöntur (Tracheophyta)
Flokkur (Class)
Tvíkímblöðungar (Magnoliopsida)
Ætt (Family)
Hjartagrasætt (Caryophyllaceae)
Tegund (Species)
Hnoðafræhyrna (Cerastium glomeratum)