Melanóra (Minuartia rubella)

Útbreiðsla

Vistgerðir

Lýsing

Lítil jurt (3–6 sm) með mjóum blöðum og litlum, hvítum blómum. Blómgast í júní–júlí.

Blöðin mjólensulaga eða striklaga, gagnstæð, áberandi þrítauga (Hörður Kristinsson 1998).

Blómin 4–6 mm í þvermál, blómleggirnir oft hærðir en stundum hárlausir. Krónublöðin hvít, heldur styttri en bikarblöðin sem eru oddmjó, þrítauga, með upphleyptum taugum. Fræflar tíu. Ein fræva með þrem stílum (Hörður Kristinsson 1998).

Hýðisaldin sem klofnar í þrjár tennur í toppinn við þroskun (Hörður Kristinsson 1998).

Líkist helst langkrækli en melanóran þekkist frá honum m.a. á oddmjóum, þrítauga bikarblöðum og er venjulega ekki eins ljósgræn heldur móleit. Melanóra þekkist frá móanóru á hinum tiltölulega stuttu blómleggjum sem oftast eru ofurlítið hærðir og bikarblöðin eru oddhvassari og beinni í toppinn.

Útbreiðslukort

Höfundur

Hörður Kristinsson 2007