Blákolla (Prunella vulgaris)

Útbreiðsla

Algeng í hlýrri sveitum, annars staðar aðeins við jarðhita. Hana er einkum að finna á Suður- og Vesturlandi, einnig í Eyjafirði og Fljótsdalshéraði (Hörður Kristinsson - floraislands.is).

Vistgerðir

Bollar og grónar gilbrekkur, í kjarri og við laugar. Hitakær jurt (Hörður Kristinsson - floraislands.is).

Lýsing

Fremur lágvaxin jurt (8–20 sm) með hærð blöð og fjólublá blóm í aflöngum, sívölum klasa. Blómgast í júní–júlí.

Blóm

Blómin eru einsamhverf, stuttleggjuð, mörg saman í sívölum, keflislaga, um 2 sm löngum klasa. Krónan fjólublá, samblaða með hvelfdri, hjálmlaga efri vör. Bikarinn bjöllulaga, dökkrauðfjólublár, með fimm misbreiðum, oddmjóum, taugaberum tönnum. Fræflar fjórir, ein fræva (Hörður Kristinsson 1998).

Aldin

Ferkleyft klofaldin (Hörður Kristinsson 1998).

Greining

Líkist engri annarri íslenskri tegund.

Útbreiðslukort

Höfundur

Hörður Kristinsson 2007

Bollar og grónar gilbrekkur, í kjarri og við laugar. Hitakær jurt (Hörður Kristinsson - floraislands.is).

Biota

Tegund (Species)
Blákolla (Prunella vulgaris)