Útbreiðsla

Hún er algeng allt í kring um landið (Hörður Kristinsson - floraislands.is).

Búsvæði

Klettar, bæði við sjó og lengra inni í landi, deigir árbakkar, sjávarfitjar (Hörður Kristinsson 1998).

Lýsing

Fremur lágvaxin planta (5–30 sm) með striklaga blöð og löng blómöx. Blómgast í júní.

Blað

Stöngullinn aðhærður, blaðlaus. Blöðin í stofnhvirfingu, striklaga eða ofurlítið rennulaga, þykk, 3–5 mm breið, 10–20 sm löng, oftast stutthærð en stundum hárlaus (Hörður Kristinsson 1998).

Blóm

Blómin smá og ósjáleg, fjórdeild, í alllöngu axi á stöngulendanum. Krónupípan ljósgrænleit, hærð, krónufliparnir fjólubláleitir með breiðum himnufaldi. Bikarblöðin græn, himnurend. Fræflar fjórir með gulum frjóhirslum. Ein fræva með einum stíl (Hörður Kristinsson 1998).

Aldin

Aflangur baukur, um 2–3 mm langur, opnast með þverrifu (Hörður Kristinsson 1998).

Greining

Líkist engri annarri íslenskri tegund.

Höfundur