Útbreiðsla
Algengur til heiða og fjalla á öllu landinu. Á láglendi finnst hann aðeins þar sem snjóþungt er (Hörður Kristinsson - floraislands.is).Vistgerðir
Hann vex í dældum þar sem snjór liggur lengi fram eftir vetri og vori og deilir gjarnan því svæði með grámullu (Hörður Kristinsson - floraislands.is).Lýsing
Lágvaxin jurt (5–10 sm) með þrífingruðum blöðum og þrítenntum smáblöðum. Blómstrar gulum blómum í júní.
BlaðStöngullinn jarðlægur, sterklegur. Blöðin stilklöng, gishærð, þrífingruð, hvert smáblað þrítennt í endann, sjaldnar með fjórar til fimm tennur (Hörður Kristinsson 1998).
BlómBlómin eru 5–7 mm í þvermál, fimmdeild. Krónublöðin ljósgul, mjó og tungulaga, styttri en bikarblöðin sem eru græn og odddregin með mjóum utanbikarflipum á milli. Fræflar fimm, frævur oft 8–20 talsins (Hörður Kristinsson 1998).
GreiningLíkist engri annarri íslenskri tegund.
Útbreiðslukort
Höfundur
Hörður Kristinsson 2007
Hann vex í dældum þar sem snjór liggur lengi fram eftir vetri og vori og deilir gjarnan því svæði með grámullu (Hörður Kristinsson - floraislands.is).Biota
- Tegund (Species)
- Fjallasmári (Sibbaldia procumbens)