Hnoðamaríustakkur (Alchemilla glomerulans)

Útbreiðsla

Lýsing

Stórvaxin jurt (30–60 sm) með smáum gulgrænum blómum, stórum handstrengjóttum blöðum og reglulega tenntum sepum.

Aðlæg hár á blaðstilkum og stönglinum alveg upp á greinarnar í blómskipaninni. Blöð stór, gulgræn eða lítillega blágræn, nær kringlótt, lítið gap við blaðstilkinn, efra borð oftast þétt sett aðlægum hárum. Blaðsepar um níu talsins, stuttir og breiðir með margar (um 15–19), grófar, snubbóttar tennur á miðsepanum (Lid og Lid 2005).

Blómin í kvíslskúfum, fjórdeild, sjaldan fimmdeild, lítil, græn til gulgræn, án krónublaða. Bikarinn með utanbikarblöð. Fjórir fræflar. Eitt fræblað (Lid og Lid 2005).

Aldinið er hneta (Lid og Lid 2005).

Þekkist frá öðrum maríustökkum á aðlægum hárum á blaðstilkunum og öllu efra borði blöðkunnar; blaðkan stór og oftast ljósgrænni. Hnoðamaríustakkur vex einnig hærra til fjalla en hinar tegundirnar.

Útbreiðslukort

Höfundur

Hörður Kristinsson 2007