Laukasteinbrjótur (Saxifraga cernua)

Mynd af Laukasteinbrjótur (Saxifraga cernua)
Laukasteinbrjótur (Saxifraga cernua) – Ljósm. Hörður Kristinsson

Útbreiðsla

Ekki algengur en þó allvíða um land. Hann er einna algengastur á Norður- og Austurlandi (Hörður Kristinsson - floraislands.is).

Vistgerðir

Í giljum og klettum, einkum til fjalla (Hörður Kristinsson 1998).

Lýsing

Fremur lágvaxin tegund (8–20 sm) með sepóttum blöðum og hvítum blómum. Blómgast í júní–júlí.

Blað

Blöðin nýrlaga með þrístrendum, oftast fimm en stundum sjö sepum að framan. Efstu stöngulblöðin þrísepótt eða heil (Hörður Kristinsson 1998).

Blóm

Blómin eru 10–18 mm í þvermál. Krónublöðin hvít. Bikarblöðin um þriðjungur af lengd krónublaðanna. Fræflar tíu, frævan klofin í toppinn með tveim stílum (Hörður Kristinsson 1998).

Aldin

Litlir dökkrauðir laukknappar í öxlum sumra stöngulblaðanna. Hvítleitir, þykkblöðóttir laukknappar við stofninn (Hörður Kristinsson 1998).

Greining

Blómin líkjast mosasteinbrjót en blöðin lækjasteinbrjót. Laukasteinbrjótur þekkist best á hinum rauðu laukknöppum í blaðöxlunum.

Útbreiðslukort

Útbreiðsla - Laukasteinbrjótur (Saxifraga cernua)
Útbreiðsla: Laukasteinbrjótur (Saxifraga cernua)

Höfundur

Hörður Kristinsson 2007

Í giljum og klettum, einkum til fjalla (Hörður Kristinsson 1998).

Biota

Ríki (Kingdom)
Plöntur (Plantae)
Fylking (Phylum)
Æðplöntur (Tracheophyta)
Flokkur (Class)
Tvíkímblöðungar (Magnoliopsida)
Ætt (Family)
Steinbrjótsætt (Saxifragaceae)
Tegund (Species)
Laukasteinbrjótur (Saxifraga cernua)