Vetrarblóm (Saxifraga oppositifolia)

Útbreiðsla

Almennt

Vetrarblóm er einnig kallað vetrarsteinbrjótur, snjóblómstur, lambablóm og lambarjómi. Te af jurtinni ku vera gott gegn nýrnasteinum og til að leiða tíðir kvenna (Ágúst H. Bjarnason 1994).

Vistgerðir

Lýsing

Jarðlæg planta með ferstrendum stönglum og hlutfallslega stórum, bleikum blómum. Blómgast í apríl–maí.

Sprotarnir eru jarðlægir, 5–20 sm á lengd. Blöðin krossgagnstæð, stutt og afar þétt, því sýnast sprotarnir vera ferstrendir. Laufblöðin 3–4 mm, öfugegglaga, frambreið, íhvolf, þykk, sígræn, randhærð, með hvítri kalkholu í endann (Hörður Kristinsson 1998).

Blómin eru 10–15 mm í þvermál, fimmdeild. Krónan lausblaða, rauð eða rauðfjólublá. Bikarblöðin snubbótt, 4–5 mm löng, með randhárum. Fræflar tíu. Frævan bleik, klofin í tvennt ofan til með tveim stílum (Hörður Kristinsson 1998).

Líkist helst lambagrasi en vetrarblóm þekkist á ferstrendum blaðsprotum og klofinni frævu.

Útbreiðslukort

Myndir

Höfundur

Hörður Kristinsson 2007