Vatnamynta (Mentha aquatica)

Mynd af Vatnamynta (Mentha aquatica)
Mynd: Hörður Kristinsson
Vatnamynta (Mentha aquatica)

Útbreiðsla

Mjög sjaldgæf á Íslandi, aðeins fundin á tveim stöðum og eingöngu við laugar. Talið er að vatnamyntan hafi borist til landsins snemma á síðustu öld (Hörður Kristinsson - floraislands.is).

Búsvæði

Hefur aðeins fundist við tvær laugar hér á landi (Hörður Kristinsson - floraislands.is).

Lýsing

Fremur hávaxin jurt (30–60 sm) með sterkum ilm, rauðleitum stilk og þykkum, dökkum blöðum. Blómin eru rauðbleik, saman í kolli.

Blað

Stöngull uppréttur og grófur, ógreindur eða greindur, rauðleitur, oftast dúnhærður. Blöð þykk, dökkgræn og oft nokkuð fjólubláleit, stuttleggjuð, breiðegglaga til nær kringlótt, hvasstennt eða með snubbóttum tönnum (Lid og Lid 2005). Laufblöðin eru krossgagnstæð. Jurtin hefur sterkan ilm (Hörður Kristinsson - floraislands.is).

Blóm

Blóm vatnamyntunnar rauðbleik og minna á blóm blóðbergsins. Þau standa þétt saman í aflöngum kolli og mynda stundum viðbótarhvirfingar neðar (Hörður Kristinsson - floraislands.is).

Útbreiðsla - Vatnamynta (Mentha aquatica)
Útbreiðsla: Vatnamynta (Mentha aquatica)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |