Útbreiðsla

Sjaldgæfur, algengastur á Norðurlandi, t.a.m. er mikið af honum í Mývatni (Hörður Kristinsson - floraislands.is).

Búsvæði

Vex á kafi í vatni, oft í stórum stöðuvötnum (Hörður Kristinsson - floraislands.is).

Lýsing

Hávaxin vatnaplanta (20–150 sm) með tálknblöð og fremur langa stöngulliði.

Blað

Stöngull þykkur og ljós með 2–3 sm langa stöngulliði, oft lengri en blöðin. Blaðsepar gagnstæðir, oft nokkuð rauðleitir, fjórir til tíu á hvorri hlið. Blöðin leggjast ekki saman líkt og pensilbursti er þau eru tekin upp úr vatninu (Lid og Lid 2005). Aðlæg blöð neðan til á stönglinum (Hörður Kristinsson 1998).

Greining

Líkist helst síkjamara. Vatnamari er heldur grófari og með lengri tálknblöð, og þekkist einnig á aðlægum blöðum neðan til á stönglinum. Hann vex einnig í heldur dýpra vatni en síkjamarinn, oft í stórum stöðuvötnum, meðal annars mikið í Mývatni.

Höfundur