Útbreiðsla
Svartburkninn er afar sjaldgæfur, finnst aðeins á þrem stöðum á landinu (Hörður Kristinsson - floraislands.is).Vistgerðir
Klettaskorur (Hörður Kristinsson 1998).Lýsing
Smávaxinn burkni (8–16 sm) með fjöðruðum blöðum og tennt, egglaga smáblöð.
BlaðBlöðin einfjöðruð. Blaðkan 5–10 sm á lengd, 7–12 mm á breidd. Hliðarsmáblöðin egglaga, tennt, 4–5 mm á lengd. Blaðstilkurinn dökkbrúnn eða nær svartur og sömuleiðis miðstrengur blaðsins (Hörður Kristinsson 1998).
BlómGróblettir smáir, fjórir til átta á hverju smáblaði. Gróhulan fest til hliðar við gróblettinn, himnukennd, vel þroskuð og stendur lengi (Hörður Kristinsson 1998).
GreiningLíkist klettaburkna en grænn miðstrengur hans greinir hann frá (Hörður Kristinsson 1998).
Válistaflokkun
EN (tegund í hættu)
| Ísland | Heimsválisti |
|---|---|
| EN | NE |
Forsendur flokkunar
Svartburkni flokkast sem tegund í hættu þar sem stofninn er talinn lítill og telji færri en 250 fullþroska einstaklinga. Þekktir eru fjórir fundarstaðir á sunnan og suðaustanverðu landinu.
Viðmið IUCN: D
D. Stofn talinn mjög lítill eða með mjög takmarkaða útbreiðslu.
Hættuflokkar Alþjóðanáttúruverndarsamtakanna (IUCN)
Viðmið IUCN um mat á válista (pdf)
Eldri válistar
Válisti 2008: Svartburkni er á válista í hættuflokki EN (í hættu).
Válisti 1996: Svartburkni er á válista í hættuflokki EN (í hættu).
Verndun
Svartburkni er friðaður samkvæmt auglýsingu nr. 184/1978 um friðlýsingu nokkurra plöntutegunda.
Útbreiðslukort
Höfundur
Hörður Kristinsson 2007, Starri Heiðmarsson, Pawel Wasowicz 2018
Klettaskorur (Hörður Kristinsson 1998).Biota
- Tegund (Species)
- Svartburkni (Asplenium trichomanes)