Hjartanykra (Potamogeton perfoliatus)

Mynd af Hjartanykra (Potamogeton perfoliatus)
Mynd: Hörður Kristinsson
Hjartanykra (Potamogeton perfoliatus)

Útbreiðsla

Hún er nokkuð víða í stöðuvötnum á láglendi (Hörður Kristinsson - floraislands.is).

Búsvæði

Hún er fremur hitakær og sækir í voga þar sem jarðhita gætir (Hörður Kristinsson - floraislands.is).

Lýsing

Allstórvaxin nykra (30–100 sm) sem vex á kafi í vatni með efstu blöðin og blómöxin fljótandi í yfirborðinu. Blómgast í júlí–ágúst.

Blað

Blöðin eru tiltölulega stutt og breið (3–6x1,5–2,5 sm), egglaga eða sporbaugótt, dökkgræn, niðurbreið, fremur þéttstæð og greipfætt um stöngulinn, stilklaus, afar fíntennt, bogstrengjótt (Hörður Kristinsson 1998).

Blóm

Blómin allmörg saman, örsmá, í 1–2 sm löngu og um 5 mm breiðu axi sem stendur upp úr vatninu. Blómin nakin, mörg saman í endastæðu axi. Fræflar fjórir með áföstum grænbrúnum bleðlum sem líkjast blómhlíf, frævur fjórar (Hörður Kristinsson 1998).

Greining

Líkist langnykru. Hjartanykran þekkist best á því að lengd blaða er einungis tvö- til þreföld breidd en lengd blaða langnykru er sjö- til tíföld breidd.

Útbreiðsla - Hjartanykra (Potamogeton perfoliatus)
Útbreiðsla: Hjartanykra (Potamogeton perfoliatus)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |