Kattarjurt (Rorippa islandica)

Mynd af Kattarjurt (Rorippa islandica)
Mynd: Hörður Kristinsson
Kattarjurt (Rorippa islandica)

Útbreiðsla

Fremur sjaldgæf, finnst einkum um landið norðanvert (Hörður Kristinsson - floraislands.is).

Búsvæði

Tjarnastæði, tjarnarbakkar, lækjarfarvegir, rakar áreyrar og flæðarmál stöðuvatna (Hörður Kristinsson 1998 og floraislands.is).

Lýsing

Lágvaxin planta (3–20 sm) með mjög breytilega blaðlögun og örsmá, fjórdeild, gul blóm í klösum. Blómgast í júlí.

Blað

Blöðin 1–4 sm á lengd, afar breytileg að gerð, fjaðurflipótt eða fjaðurskipt, einkum neðan til. Smáblöðin tennt eða sepótt, endasmáblaðið oft áberandi stærra en hin (Hörður Kristinsson 1998).

Blóm

Blómin standa í klasa, örsmá, fjórdeild. Krónublöðin gul, mjó, spaða- eða tungulaga, innan við 2 mm á lengd. Bikarblöðin heldur styttri, bleikleit eða grænfjólublá, himurend. Fræflar sex. Frævan ein, um 1 mm á lengd í blóminu (Hörður Kristinsson 1998).

Aldin

Sívalur, eilítið boginn skálpur, 7–10 mm á lengd og 2–2,5 mm á breidd. Stilkurinn helmingi styttri eða miklu styttri en skálpurinn (Hörður Kristinsson 1998).

Greining

Líkist engri annarri íslenskri tegund.

Útbreiðsla - Kattarjurt (Rorippa islandica)
Útbreiðsla: Kattarjurt (Rorippa islandica)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |