Trjónubrúsi (Sparganium angustifolium)

Útbreiðsla

Fremur sjaldgæfur, vex á blettum hér og þar um landið (Hörður Kristinsson 1998).

Búsvæði

Tjarnir og lítil stöðuvötn (Hörður Kristinsson 1998).

Lýsing

Fremur hávaxin vatnajurt (30–75 sm) með bandlaga blöð og kúlulaga blómöx. Blómgast í júlí.

Blað

Blöðin eru flöt, bandlaga, 6–50 sm á lengd, þau neðri lengri og 2–5 mm breið, þau efri styttri, 6–10 mm breið við fótinn (Hörður Kristinsson 1998).

Blóm

Blómin í hnöttóttum kollum sem oft rísa örlítið upp frá vatnsyfirborðinu, karlblóm í þeim efstu en kvenblóm í tvem til þrem neðri. Neðstu kollarnir oft á löngum stilk. Blómhlífarblöðin himnukennd, brúnleit, lítið áberandi. Fræflar þrír í hverju karlblómi. Fullþroska kvenkollar 1–1,5 sm í þvermál (Hörður Kristinsson 1998).

Aldin

Aldinin egglaga, 3–5 mm löng og með alllangri trjónu (Hörður Kristinsson 1998).

Greining

Líkist tjarna- og mógrafabrúsa. Mógrafabrúsinn hefur minni kolla og styttri, trjónulaus aldin. Aldin tjarnabrúsa hafa stutta trjónu.

Útbreiðsla - Trjónubrúsi (Sparganium angustifolium)
Útbreiðsla: Trjónubrúsi (Sparganium angustifolium)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |