Hárdepla (Veronica officinalis)

Mynd af Hárdepla (Veronica officinalis)
Mynd: Hörður Kristinsson
Hárdepla (Veronica officinalis)

Útbreiðsla

Algeng í sumum héruðum, einkum á Suður- og Vesturlandi og í sumum útsveitum norðanlands og austan (Hörður Kristinsson 1998 og floraislands.is).

Búsvæði

Grónar gilbrekkur, bollar og kjarr (Hörður Kristinsson 1998).

Lýsing

Meðalhá jurt (20–40 sm) með hærðum, tenntum blöðum og ljósbláum blómum í aflöngum klösum. Blómgast í júlí.

Blað

Stönglarnir eru oft jarðlægir, hærðir, með uppsveigðum greinum. Laufblöðin gagnstæð, egglaga eða oddbaugótt, 2–7 sm á lengd og 1,5–3,5 sm á breidd, á stuttum stilk, loðin og tennt, tennur misstórar (Hörður Kristinsson 1998).

Blóm

Blómin mörg saman í klösum sem koma úr efri blaðöxlunum, stuttleggjuð, 4–6 mm í þvermál, fjórdeild. Krónublöðin ljósblá með dekkri æðum. Bikarinn kirtilhærður með fjórum flipum. Fræflar tveir. Ein fræva (Hörður Kristinsson 1998).

Aldin

Aldin hjartalaga með löngum, bognum stíl (Hörður Kristinsson 1998).

Greining

Loðnari en aðrar deplur og auðþekkt frá þeim á stórum tenntum blöðum.

Útbreiðsla - Hárdepla (Veronica officinalis)
Útbreiðsla: Hárdepla (Veronica officinalis)

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |