Gróður við Urriðavatn á Hrafnaþingi

18.02.2011

Urriðavatn og nánasta umhverfi er á Náttúruminjaskrá og nýtur bæjarverndar samkvæmt aðalskipulagi Garðabæjar. Friðlandið hefur margþætt gildi en það er vel gróið, gróskumikið með fjölbreyttu gróðurfari þar sem votlendi skipar háan sess. Samspil ólíkra gróður­lenda á tiltölulega litlu svæði og nálægð þess við þéttbýli gefa svæðinu hátt náttúruverndar-, fræðslu- og útivistargildi. Um þetta og fleira verður fjallað á Hrafnaþingi næstkomandi miðvikudag.

Urriðavatn. ©GG

Rannveig Thoroddsen, líffræðingur, og Guðmundur Guðjónsson, landfræðingur á Náttúrufræðistofnun, flytja erindi sitt Gróður við Urriðavatn á Hrafnaþingi miðvikudaginn, 23. febrúar kl 15:15 í húsakynnum Náttúrufræðistofnunar að Urriðaholtsstræti 6-8 í Garðabæ (sjá kort).

Sjá nánar um erindið

Verið velkomin á Hrafnaþing!

Dagskrá Hrafnaþings