Náttúrufræðistofnun nýtur trausts meðal landsmanna

12.03.2014
Krummi krunkar úti
Mynd: Anette Th. Meier

Landsmenn bera mikið traust til Náttúrufræðistofnunar Íslands samkvæmt könnun Capacent sem gerð var dagana 12.–24. febrúar s.l. Stofnunin hefur tekið þátt í sömu könnun síðan 2007, að síðasta ári undanskildu, og er hún áfram meðal þeirra stofnanna sem nýtur hvað mest trausts. Markmiðið með könnuninni er að kanna traust almennings til Náttúrufræðistofnunar og þróun á því, auk samanburðar við aðrar stofnanir.

Náttúrufræðistofnun nýtur mikils trausts 56,8% landsmanna, þar af bera um 5% fullkomið traust til stofnunarinnar, 22% mjög mikið traust og 30% frekar mikið traust. 35,6% eru hlutlausir. Aðeins 7,6% báru lítið traust til stofnunarinnar, þar af rúmlega 4% sem bera lítið traust til hennar, 1,7% mjög lítið og 1,5% alls ekkert traust.

Í samanburði við aðrar stofnanir kemur Náttúrufræðistofnun vel út. Hún er vel fyrir ofan meðaltalið og er þar á róli með Háskóla Íslands og Heilbrigðiskerfinu.

56,8% landsmanna bera mikið traust til Náttúrufræðistofnunar 2013

56,8% bera mikið traust til Náttúrufræðistofnunar.

Náttúrufræðistofnun nýtur svipaðs trausts og Háskóli Íslands og Heilbrigðiskerfið árið 2013

Náttúrufræðistofnun nýtur svipaðs trausts og Háskóli Íslands og Heilbrigðiskerfið.