Dagur íslenskrar náttúru

15.09.2014
gönguferð, Búrfellshraun
Mynd: Magnús Guðmundsson
Gönguhópur við Maríuhella í Svína-hrauni.

Dagur íslenskrar náttúru verður haldinn hátíðlegur í fjórða sinn á morgun, þriðjudaginn 16. september. Í tilefni af honum er boðið upp á ýmsa viðburði víða um landið og á höfuðborgarsvæðinu. Náttúrufræðistofnun Íslands ætlar að halda upp á daginn með því að bjóða til hádegisgöngu um hraunið í nágrenni stofnunarinnar í Garðabæ.

Gangan hefst kl. 12:15 og verður undir leiðsögn  Sigmundar Einarssonar jarðfræðings og Ásrúnar Elmarsdóttur plöntuvistfræðings. Mæting er við hús Náttúrufræðistofnunar að Urriðaholtsstræti 6-8 í Garðabæ. Áætlaður göngutími er um 45-60 mínútur.

Sérvefur um dag íslenskrar náttúru