Vöktun á gróðri og ástandi beitilands

29.03.2016
Mælireitur í grösugum haga í góðu ástandi í Skagafirði
Mynd: Borgþór Magnússon
Mælireitur í grösugum haga í góðu ástandi í Skagafirði. Ljósm. Borgþór Magnússon, 21. ágúst 2015.

Borgþór Magnússon plöntuvistfræðingur hjá Náttúrufræðistofnun Íslands flytur erindið „Vöktun á gróðri og ástandi beitilands“ á Hrafnaþingi miðvikudaginn 30. mars kl. 15:15.

Árið 1997 hófst vöktun á gróðri og ástandi beitarhaga á Norður- og Suðurlandi í samstarfi Náttúrufræðistofnunar Íslands, Landgræðslu ríkisins og Landbúnaðarháskóla Íslands. Í erindinu verður greint frá vöktuninni og framgöngu hennar, ásamt því sem gögn eru borin saman við niðurstöður gervitunglarannsókna á breytingum á grósku landsins undanfarna áratugi.

Útdráttur úr erindinu

Hrafnaþing er haldið í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð.

Hrafnaþing er opið öllum. Verið velkomin!

Vinsamlega athugið Náttúrufræðistofnun Íslands er grænn vinnustaður og beinir þeim tilmælum til allra sem hafa tök á að samnýta ferðir og nota vistvænan ferðamáta.